معزة بيضا ولا سودا

بدات مذيعة هية هية نفس المذيعة اللى فاتت .....أصلها فقر
فى برنامج اخر مع الفلاحين فى الريف حول اعمالهم
صباح الخير يا عم الحاج
صباح النور يا بنتى
انت معانا على الهوا يا حاج وعايزين نسالك كام سؤال كدة

اتفضلى يا بنتى انا تحت امرك

انت بتشتغل اية؟

انا عندى مزرعة معيز

طب كام معزة عندك؟

ألفين معزة نصهم ابيض والنص التانى اسود

وبتجيب لهم كلهم مياة منين عشان يشربوا ؟

انت بتسالى عن البيض ولا السود ؟

عن السود

السود بيشربوا من البير

والبيض؟

من البير بردك

طب يا عم الحاج بياكلوا منين؟

انت بتسالى عن البيض ولا السود؟

السود يا عم الحاج

باكلهم من التل دة

والبيض طيب

من التل بردك انت دماغك تخينة لية

ياعم الحاج صحصح كدة احنا على الهوا وشكلك كدة بتحب الهزار ودة برنامج جد
قولى بقى يا حاج بتنيمهم فين؟

انت بتسالى عن البيض ولا السود؟

عن البييييييييييييييض.

بنيمهم فى الزريبة

والسوووووووود؟

فى الزريبة بردك

انت هتجننى يا عم انت ولا اية هية مش ناقصاك اصلى

يحرق ام دة شغلانة

انت متنرفزة عليا لية انا هافهمك الحكاية كلها

فهمنا يا عم اخلص

انا كنت بقولك كدة عشان انا صاحب المعيز السودة وانا عارف عنهم كل حاجة بيشربوا فين ويا كلوا اية ويناموا فين

ومين بقى صاحب المعيز البيضا؟

يووووة

انا بردك صاحب المعيز البيضا

يحرق ام دة بوست

تررررررررررررررررررررررن
يحرق ام دة منبة ،انا هاطفية ومش رايح ام الشغل النهاردة
تررررررررررررررررررررررررن
يووووووووووووة دة جرس الباب ،يحرق ام دة صوت
قام بعد مجهود كبير متجها الى الباب
لقى وحدة حلوة على الباب وعلى الرغم من حلوتها الا انة قال لها ماذا تريدين على الصبح
فردت انا مذيعة فى برنامج "صباحك عسل" ممكن نعمل معاك لقاء
اخلصى طيب
ممكن نعرف بتعمل ايه لما تقوم من النوم؟انا بقوم من ام النوم

اروح ام الحمام

افتح ام الحنفية

اغسل ام وشى

اروح ام الاودة

اقلع ام الترنج

البس ام البنطلون

انزل من ام الشقة

اركب ام الاتوبيس

انزل من ام الاتوبيس

اروح ام الشغل

وبعد ما اخلص ام الشغل

ارجع ام البيت

وخلاص

فقالت المذيعة شكرا يا فندم

ويلعن ام البرنامج اللى خلانا نشوف

ام وشك

زوووو .........على قفاة

نهاركم النهاردةأسود يا كلاب ، النهاردة الامتحان الشفوى يعنى مفيش غش ولا فى ملاوعة ،وعشان انا بحبكم وماليش غيركم فى المدرسة بفتخر بيكم هيبقى الثواب والعقاب على مقدار حبى ليكم، وطبعا انتوا عارفين انى بحبكم جدا لانكم متفوقين من غير ما تأخدوا دروس خصوصية ولا حتى عندى ولا واحد فى الفصل......... ربنا ينتقم منكم

كل واحد فيكم هيغلط مش هاضربة بالخرزانة لان الوزارة منعت الضرب بالعصايا،انا هاضربكم بالقفا زوووووووووو على قفا ة
قوم يا ولا انت جاوب على السؤال الاول

أزاى نحفظ اللبن ومنخلهوش يبوظ؟؟؟؟؟

الولد دون اى تفكير او معاناه لانة متفوق طبعا نخلية جوة الجاموسة يا أستاذ.

زوووووووو على قفاة

اللى جمبة يا كلاب دة انا أيدى هتوجعنى من كتر الضرب النهاردة

قولى 3 انواع من مستخرجات اللبن تستخدم فى الغذاء؟

اول حاجة يا مستر جبنة مثلثات طعمة بتاعة الكابتن حسام حسن هية اللى مخلياة يلعب لغاية دلوقتى
وتانى حاجة جبنة مربعات المعفنة دة وتالت حاجة بقى جبنة ريسنا حبيبنا بريزيدون صح الصح قال صحيح يا مستر يعنى اية صح الصح

زوووو على قفاة

ربنا ياخدكم يا كلاب هتجيبوا لى السكر والضغط

انا خلاص اعصابى باظت دة اخر سؤال لو محدش جاوب صح هاسقطكم كلكم ، وعشان كدة هانقى اشطر واحد فى الفصل

قوم يا ابنى،الانسان عشان يعيش بيتنفس اية؟
الاكسجين يا أستاذ

الحمد للة اخيرا حد نصفنى، طب تعرف يا أبنى تم اكتشاف الاكسجين أمتى؟

اكتشفوة سنة 1773 يا أستاذ

ما شاء اللة ربنا ينجحك يا ابنى

بس السؤال يا أستاذ هو الانسان كام بيتنفس اية قبل اكتشاف الاكسجين؟

سادت لحظات صمت على الاستاذ ولم يتحرك ساكنا لاكثر من خمس دقائق
واضطر طبعا التلاميذ كلهم عشان يفوقوا الاستاذ ان يقوموا كلهم بــ زووووووو على قفاة

واقع التخيل

بداية هذة التخيلات قد قمت بها عن طريق جمعية الصحة النفسية والتى كنت عضوا فعالا فيها وانا فى 3 ثانوى وافتكر انى سبتها بسبب حاجة تحفة هاحكيهالكم فى البوست اللى جى، المهم التخيل دة دراسة نفسية للجنس البشرى وواقع حياتة من خلال ربط الاشياء المتخيلة بالواقع.

الغابة : الحياة عامة ، بمعنى لو شفت الغابة صباحا تبقى حياتك متفتحة والعكس عند رؤيتها ظلاما كذلك هناك من يراها نهارا ولكن كثافة الاشجار لا تدع للشمس مجالا للدخول الا فى بعض الثقوب الصغيرة وهناك من يرى قرودا تتطنط حوالية وهناك من يرى وحوشا مفترسة وطبعا لا داعى للتفسير كل واحد يقدر يحدد مين القرود ومين الوحوش

الطريق المفتوح امامك : المستقبل ،بمعنى هناك من يرى اخر الطريق نورا وهناك من لا يرى اخر الطريق ويراة مظلما

الغزالة : الصداقة ، بمعنى من الممكن ان تحنو على الغزالة وهناك من تفر منة الغزالة مسرعة عندما تراة ومنهم من تنظر الية وتبتسم اليها وهكذا

الصندوق والمقتاح : القلب والحب بمعنى هناك من يرى صندوقا ذهبيا وهناك من يراة فخما وهناك من يراة خشبيا قديما ، اما المفتاح فهناك من يراة صغيرا واخر كبيرا وهناك من يراة ذهبيا واخر قديم يملؤة الصدأ

السور : مشاكل الحياة ، هناك من يراة عاليا ولكن تمكن من عبورة عن طريق وجود سلم بجانبة او بالالتفاف حولة او يمكن تسلقة وعبورةوهناك من يراة قصيرا ويقفز من فوقة سريعا وهكذا

البحيرة : الحياة الاجتماعية، هناك من يرى البحيرة زرقاء وهادئة وهناك من يراها سوادء مايئة باوراق الشجر على سطحها ، اما عن كيفية عبورها فمن الممكن ان يكون هناك قاربا يمكن ركوبة والتجديف للوصول الى الناحية الاخرى وهناك من يسبح بداخلها وهناك من يلتف من جمب البحيرة

المنزل: الاخرة ، بمعنى هناك من يرى بيتا فخما وهناك من يرى كوخا صغيرا وهنا ليس المهم هو شكل البيت ولكن المهم الراحة بمعنى هناك بيت فخم لكن غير مريح وهناك كوخ صغير لكن رائع.

السيدة الشمطاء: الموت ،من يفزع من السيدة يخاف الموت والعكس صحيح

اتمنى ان تكون حازت اعجابكم

اختبار نفسى لذيذ

صباح الخير على الجميع

فى لعبة صغيرة كدة بس تحفة تعالوا نلعبها مع بعض

اهم شرط فى اللعبة انك تتخيل

لو متخيلتش يبقى مش هتعرف تلعبها

اطلق لعقلك العنان

اهم شرط خلى واحد جمبك وخلية يملى عليك الكلام وانت مغمض العينيين

وتخيل وبعد ان تتخيل

اكتب لى تخيلاتك

وسوف اوضح لك معانى التخيل

وانا هنا لا ادعى العلم ولكن انا كنت احد المتخيلين يوما واعجبتنى الفكرة بشدة

وصدقونى لن تندموا على التخيل

نبدا التخيل الان

تخيل انك فى وسط غابة

اوصف لى شكل الغابة هل كانت نهارا ام ليلا ؟ شكل الاشجار؟ انطباعك عن الغابة

تخيل ان امامك طريق فى الغابة اوصف الطريق وجنباتة وهل ترى اخر الطريق ام ماذا؟

سر داخل الطريق تخيل ان هناك غزالة رايتها

ما رد فعلك تجاة الغزالة وما رد فعل الغزالة تجاهك

اكمل سيرك داخل الطريق وجدت صندوقا على الارض وفوقة مفتاحا

اوصف شكل الصندوق والمفتاح؟

سر فى الطريق مكملا طريقك

ظهر امامك سور

اوصف السور من اى شى مبنى؟طولة؟ ارتفاعة؟

يجب ان تعبر الناحية الاخرى من السور كيف عبرتة ؟

عندما عبرت السور وجدت امامك بحيرة؟

اوصف شكل مياة البحيرة والبحيرة نفسها

يجب ان تعبر البحيرة كيف عبرتها؟

عندما عبرت البحيرة وجدت امامك بيت

اوصف شكل هذا البيت؟

هناك بابا فى البيت

اطرق الباب

انتظر ان فتح احدا

فتحت لك سيدة شمطاء شكلها قبيح للغاية

ما هو رد فعلك ؟

افتح عينيك

انتظروا تفسير هذة التخيلات قريبا

بــابـــا حـبـسـنى فــى الثـــلاجــة

يا بابا الدنيا ساقعة ........مش قادر حرام عليك

بابا : حرمت عليك عشتك ،عمرك كلة هتفضل هنا ومش هتخرج منها الا لما تموت او انا اموت

انا : يا بابا سقعان

بابا : اخرس يا ولد كمان مبتقوليش بعد الشر عليك

انا :انت هتتلكك يا عم انت هتموت هتموت محدش مخلد

بابا : اة يا ابن الوطية، واطى طول عمرك

انا : طب خرجنى اشم نفسى واخش تانى

بابا : ابدا هتفضل طول عمرك هنا

انا :طب انت مش هتخرج شوية

بابا : لا يا حبيبى محدش بيخرج غير على الموت

يشتد السعال على بابا وتصدر عنة كحة شديدة

انا : بابا سلمتك مالك انت عيان ولا اية ،اجيب لك الدكتور

بابا : انت اتجننت انا سليم مفيش اى حاجة اوعى تقول لحد ان عيان لو طلع دة منك هاحطك فى الفريزر وانت عارف الفريزر بقى
انا :حسبنا اللة ونعم الوكيل

ملحوظة
جميع الاشخاص والاسماء الواردة فى هذة الافتكاسة بجانب الاحداث اذا كان لها علاقة بالواقع من قريب او بعيد فهو ليس عن طريق الصدفة بل و تمت للواقع بصلة

تـفـيدة ولعت

يا ماما انا ماليش دعوة انا عايز اتجوز تفيدة

واللهى لو ماجوزتونى تفيدة هاموت نفسى

وهابعت جواب لامن الدولة وهاقولهم انكم من عناصر القاعدة

يا ابنى يا حبيبى انت شفتها كويس دة شكلها وحش قوى وكمان حولة وشعرها اكرت

و انتوا مالكم هو انتوا اللى هتتجوزوها انا اللى هاعيش معاها

طب فكر يا ابنى عندك بنت خالك" زلجبار"زى القمر وبنت ناس نعرفها فكر يا ابنى وربنا يهديك

وسابتنى امى اسبوع افكر

وقعدت افكر فعلا ان تفيدة فعلا وحشة وانا شايفها وحشة بس هاعمل اية ما هية اللى قدامى ما انا معرفتش غيرها

هو انا بحبها فعلا ولا هية المساءلة رحلة والواحد ماشيها وبيقابل ناس كتير فيها بيبحب واحدة منهم لكن لو اتغيرت رحلتة هيقابل ناس غير الناس و فى الحالة دة هيحب واحدة تانية خالص، يعنى اية..... يعنى مساءلة انى اموت فيها دة ومقدرش اعيش من غيرها دة مساءلة اونطة ولا اية

ثم حتى لو الموضوع كدة انا بردة بحب تفيدة ،وقررت اقول لماما انى مش هاتجوز غير تفيدة

ماما طبعا زعلت منى وقالت لى روح اخطبها لوحدك

وبالفعل روحت واتشيكت وروحت اقابل ابو تفيدة

وانا قاعد مع عمى

اذ اية بقى

اذ حماتى دخلت علينا وماسكة شعرها وبتصوت قال اية

تفيدة ولعت ،تفيدة ولعت، تفيدة ولعت، تفيدة ولعت، تفيدة ولعت

قال نار البوتجاز مسك فى شعرها بعد ماحطت فية جازعشان ينعم

والغريبة ان فى عز ما هما دخلوا كلهم يطفوا تفيدة

انا كنت بفكر فى "زلجبار" بنت خالتى وانها فعلا احلى من تفيدة بكتير

وازاى اصالح ماما عشان تروح تخطبهالى

حــــــمــــــــار ولا خــــــــروف

انا :صباح الخير.............................. يا حمار

هو : اهلا

بينى وبين نفسى: واللهى حمار يا جدعان والاكادة انة بيلعب لى القرنيين بتوعة وبيشخ طول ما هو ماشى مش فارقة معاة هو ماشى فين ما هو حمار بقى

بس اية دة صوتة طلع اهوة ماءءءءءءءءءءءءءءء

اية!!!!!!!!!!!!!!!!!ماءءءءء

ماءءء دة خروف

هو اتحول ولا اية، بقى خروف ولا يمكن من كتر الخرفان اللى حوالية بقى صوتة زيهم ماهو من كتر ماهوة بيسمعهم وهما تحت باطو بقى بيتكلم زيهم

ربنا يكتر من حميرنا ويخلى خرفانهم

يا عذاب نفسى

با عذاب النفس ... وخدنى لفين
قضيت وياك الليلة بسنين
يا عذاب نفسى
مرايتى وهمسي
يومى غدي
ألمى أمسي
وخدنى لفين

يا عذاب نفسي

يا طريق ماشى وماشى وياة

مين فينا واخد التانى معاة

يا طريق عمرى
انا من صغرى شمسى نفسى
المى أمسى واخدنى لفين

يا عذاب نفسي

مــــــــــــــش قــــادر اشــــــــــم ريحة رجـلـــــــــــــــى

لا تشمئز
فجميعنا قادرون على ان نشم رائحة ارجلنا مهما كان عفانة الرائحة ،فقد اثبتت بعض الدراسات النفسية ان المريض النفسى او الانسان الطبيعى هو افضل طبيب نفسى يمكن معالجة مشاكلة النفسية وذلك عن طريق شم رائحة ارجلة ...اسف...ان يعرف عيوبة او ان يصارح نفسة بها

جميعنا او اغلبنا عند سؤالة ماهي ابرز عيوبك فأننا نجيب لا استطيع ،ان احددها ويترك الحكم للاشخاص الذين يتعاملون معة..،وهنا فالانسان يغالط نفسة فهو على مقدرة عالية من تحديد عيوبة وبشكل واضح وصريح ولكنة يفتقد الى الصراحة او حتى الجراة مع نفسة قبل غيرة فاولى خطوات التغيير تاتى من معرفة العيوب الشخصية والعمل على التطكلم بصوت عالى مع النفس لتصحيح هذة العيوب وتحويلها الى مميزات فى الشخص

فى العموم اتمنى للجميع ان يستطيع ان يشم رائحة ارجلة لكن على ان لا تكون بعفانة الصورة الموجودة