نهاركم النهاردةأسود يا كلاب ، النهاردة الامتحان الشفوى يعنى مفيش غش ولا فى ملاوعة ،وعشان انا بحبكم وماليش غيركم فى المدرسة بفتخر بيكم هيبقى الثواب والعقاب على مقدار حبى ليكم، وطبعا انتوا عارفين انى بحبكم جدا لانكم متفوقين من غير ما تأخدوا دروس خصوصية ولا حتى عندى ولا واحد فى الفصل......... ربنا ينتقم منكم
كل واحد فيكم هيغلط مش هاضربة بالخرزانة لان الوزارة منعت الضرب بالعصايا،انا هاضربكم بالقفا زوووووووووو على قفا ة
قوم يا ولا انت جاوب على السؤال الاول
أزاى نحفظ اللبن ومنخلهوش يبوظ؟؟؟؟؟
الولد دون اى تفكير او معاناه لانة متفوق طبعا نخلية جوة الجاموسة يا أستاذ.
زوووووووو على قفاة
اللى جمبة يا كلاب دة انا أيدى هتوجعنى من كتر الضرب النهاردة
قولى 3 انواع من مستخرجات اللبن تستخدم فى الغذاء؟
اول حاجة يا مستر جبنة مثلثات طعمة بتاعة الكابتن حسام حسن هية اللى مخلياة يلعب لغاية دلوقتى
وتانى حاجة جبنة مربعات المعفنة دة وتالت حاجة بقى جبنة ريسنا حبيبنا بريزيدون صح الصح قال صحيح يا مستر يعنى اية صح الصح
زوووو على قفاة
ربنا ياخدكم يا كلاب هتجيبوا لى السكر والضغط
انا خلاص اعصابى باظت دة اخر سؤال لو محدش جاوب صح هاسقطكم كلكم ، وعشان كدة هانقى اشطر واحد فى الفصل
قوم يا ابنى،الانسان عشان يعيش بيتنفس اية؟
الاكسجين يا أستاذ
الحمد للة اخيرا حد نصفنى، طب تعرف يا أبنى تم اكتشاف الاكسجين أمتى؟
اكتشفوة سنة 1773 يا أستاذ
ما شاء اللة ربنا ينجحك يا ابنى
بس السؤال يا أستاذ هو الانسان كام بيتنفس اية قبل اكتشاف الاكسجين؟
سادت لحظات صمت على الاستاذ ولم يتحرك ساكنا لاكثر من خمس دقائق
واضطر طبعا التلاميذ كلهم عشان يفوقوا الاستاذ ان يقوموا كلهم بــ زووووووو على قفاة
4 comments:
هايل يا حسن الجميل فيك انك قادر تحتفط بخفة الظل برغم المود الكئيب المحيط بينا , ربنا يوفقك
اه كنت عايزه اسألك سؤال هو "زووو.........على قفاة"سبب تركك لجمعية الصحة النفسية الى كنت عضو فعال فيها في سنة 3 ثانوي؟
تحياتي
انت فعلا لازم تكتب للمسرح الكوميدي ، سياسي بقى أو اجتماعي ، أواي حاجه
المهم انك مشكله في كتاباتك الساخرة اللي بتهلك من الضحك
...تحفة بجد وربنا يكتر أفكارك الحلوة وتمتعنا دايما بضحة حلوة
بس يا سونة ألا بقولك ايه ،، هي صح الصح برضه ولاَ ؟؟ لآ.... ؟
تحياتي يا ابو علي
ايوة كدة اظهر وبان عليك الامان
فكرتني بايام المدرسة وانا في الاعدادي كان في مدرس رايضة اوزعه قوي وكان سبحان الله الرخامه والغلامه اللي في الدنيا كلها كانت فية
المهم كان اول واحد قاعد على الشمال في الفصل واد صاحبي اسمه احمد وكان تقريبا اطول واحد في المدرسة ساعتها وكان كيف عندة انه يقعد قدام فكان كل ما العيال تشتكي للمدرس يزعقله لحد ما بقى كل ما يشوفة يبقى عايز يضربة بالالم على وشة وكانت بقى هي دي المشكله لما تشوفة وهو بينط لفوق علشان يضرب احمد بالالم ومش بيطولة والواد يغلس اكتر ويشب لفوق
كنا بنموت على روحنا من الضحك كانت ايام جميلة والله فكرتنا بيها
بس صحيح الواد جاوب صح احسن مكان نحفظ فية اللبن جوى الجموسةهههههههه
تحياتي ليك يا ابو على
هايل ياعم ..هايل ياسيدي.....هايل ياجميل
اسكت مش ايمان يحيي فاكرها بقت ام لبنوتة جميلة اسمه سلمي عقبال لما نفرح فيك
Post a Comment