05 September, 2007

يا عذاب نفسى


با عذاب النفس ... وخدنى لفين
قضيت وياك الليلة بسنين
يا عذاب نفسى
مرايتى وهمسي
يومى غدي
ألمى أمسي
وخدنى لفين

يا عذاب نفسي

يا طريق ماشى وماشى وياة
مين فينا واخد التانى معاة
يا طريق عمرى
انا من صغرى شمسى نفسى
المى أمسى واخدنى لفين
يا عذاب نفسي

5 comments:

Anonymous said...

عذاب النفس فعلا شئ مؤلم بيقتل صاحبه اكتر من عذابات اخرى لكن احب اقولك وانا كلي عذاب انه لابد ليه من نهاية
اخراجك الجديد للمدونة احلى بكتير ربنا يوفقك
خالص تحياتي
آلام الروح..

Anonymous said...

صباح الخير :
ابو مروان جميلة جدا كلمات و لم اعلم من قبل انك تكتب شعرا، استمر.. طبعا رائع جدا انك تطوع قلمك و مشاعرك في اكثر من قالب ادبي فتحية اليك
البشر هم عشاق العذاب يبحثون عنه و ان لم يجدوه فيعذبون انفسهم باي شىء تري الانسان يقف ليتذكر اشياء مريرة مرت عليه و يبكي و يتالم و تتالم معه هذه النفس الضعيفة التي لا ذنب لها . العذاب موجود موجود جزء من قدرنا بس لابد من وجود القدرة على مقاومته

قد كتب الشاعر صلاح جاهين كلمات عن
مشتقات العذاب من الحزن و الالم
اذكر لك منها :


كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!


حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!


يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!

اتمني تكون عجبتك

همسه حب

Anonymous said...

مرسى للكلام الرائع
ولكن هذة ليست كلماتى فهى كلمات الاستاذ الشاعر عبد الحيم محمد العظيم ولكنى اتذكرها من حين لاخر
وعلى فكرة محمد منير غنى الكلام دة بس فى شريط قديمممممممممممم
وبالمرة بقى انا مشعندى مروان ولا حاجة انا لسة متجوزتش بس هما متكلمين عليا
سلاااااااااااام

Anonymous said...

من رأيي ان عذاب النفس بالنسبة لية هو الضمير الحي اللي يحاسبك علي الأشياء اللي عملتها وتندم عليها بس كدة ممكن تقوي لأنك هتحاول عدم فعل الخطأمرة اخري

Anonymous said...

تعرف كمان اكتر حاجة بتعذبني العجز والسلبية اللي بجد بحس اني مكتفة وعايز اخرج من قيودي لكن بحس اني اضعف من القيود