طقطقت ظهرى وقمت فارد رجلى على الترابيزة وممدد وانا بتفرج على الماتش فى التلفزيون ومعلى الصوت على الاخر
باصى يا ابن الغبية ،لاعيب حمار جتكوا نيلة بتاخدوا فلوس على اية ، يارب مراتك تضربك بالشبشب لما تروح
ترررررررررررررررررررررررررررررررررررررررررررررررن
يا نهار اسود مراتى جت مراتى جت
فزيت قمت بسرعة وقمت ناطط على الريموت كانى بنط على فرخة قبل ما تطير وقمت مغير القناة بسرعة اصل مراتى مبتحبش الكوررة زى بالظبط اصل انا معودها على طبعى من زمان
ورحت عشان افتح الباب وانا رايح قعدت افكر هية اية اللى جبها بدرى من عند جارتنا دة لسة نازلة مكملتش ربع ساعة دة انا ملحقتش اعرف تشكيل الماتش
مش مشكلة ابقى اعرف بكرة من على النت فى الشغل واشوفة خلص على اية
ووضبت نفسى اسمع كلمتين على الصوت العالى للتلفزيون
اتشهدت وفتحت الباب وانا مغمض عينى عشان الرذاذ بيحمينى ،مديت ايدى كانى بتكهرب عشان افتح وفتحت وجزيت على عينى جامد
مفيش صوت خالص، اية دة ؟ حصل اية ؟اتخرست ولا اية؟ يا رب . طبعا يا رب ما تكون اتخرست
فتحت عينى بالراحة لقيت مراتى بتدمع
ههههههههههههههههههه الحمد للة اخيرا اتشفيت فيها
وقفت ثانيتين كدة ساكت وببص لها لقيتها زغرت زغرة كانها بتقولى انتى مش شايفنى وانا بعيت
المهم لحقت نفسى وقامت وخدانى الجلالة وقلت لها حد ضاايقك قولى لى هو مين عشان اقطعهولك (بوس اكيد) سابتنى وراحت قاعدة على الانترية وكملت عياط
غريبة دية هادية قوى ومستكينة
المهم قلت لنفسى لا لازم اخد حذرى انا لسة شايف فى برنامج عالم الحيوان ثعبان بيعمل نفسة ميت عشان بقية الحيوانات تقرب منة
بعد ساعة من المحايلة عشان اعرف مالها
قالت لى انا اصل كنت عند جارتنا وجت واحدة اسمها ام شفيق بتقرا الفنجان حلو قوى
وقالت لى ان انا الطير اللى عندى حد هيصطادة منى وهيسحرلة وياخدة
طب وانتى بتعيطى لية احنا معندناش طيور اصلا
لا طبعا هيةقصدها بالطير انت وان فى واحدة هتاخدك منى بالسحر وههتجوزها
قلت لنفسى( يا خراب بيتى يخرب بيت ام شفيق على شفيق نفسة انا ناقص بلاوى) المهم قعدت اهديها ونمت عشان الحق اروح الشغل بكرة
المهم وانا فى الشغل حكيت لواحد صاحبى المصيبة اللى انا فيها
قالى يا عبيط مراتك كدة هتهم بيك اكتر وهتظبطك
خدت كلامة على انة بيهزر وخلصت الشغل وروحت البيت
طبعا قلعت الجزمة برة قبل ما ادخل
دخلت .......دخلت اية دية مش شقتنا اية النظافة دة
مين الولية دة يا نهار ابيض دة مراتى
اية دة اية دة
حبيبى الحمام جاهز والاكل على السفرة تحب تعمل اية الاول وقامت متشعبطة فى رقبتى
قرصت نفسى وقلت اكيد بحلم
انتهزتها فرصة وكل شوية كدة اعمل حركتين كأنى ببص فى السقف وأهمهم بكلام كدة مش مفهوم ، تقوم مراتى منفوضة وحضنانى على طول
ختى لى كدة بتاع اسبوع هايص وحظى الاسود مكنش فيه ولا ماتش فى الاسبوع دة منه لله اتحاد الكرة هوة اللى واقف الدورى
بعد الاسبوع جيت مرة راجع من الشغل وداخل بالجزمة طبعا
اتنفضت مرة واحدة على صوت مراتى
انت داخل بالجزمة اية رايك بقى انت اللى هتغسل السجادة دة
مالك يا حبيبتى بس فية اية
حبيبتك
لقيت نار طالعة من عينيها
قلت الحق نفسى وقمت باصص فى السقف ومهمهم كدة وكانى اتهبلت
قالت لى نسيت اقولك مش الست ام شفيق طلعت كدابة ومتعرفش فى الفنجان اصلها كانت بتتخانق مع جوزها من شوية لانها اتكشفت انة متجوز عليها بقاله خمس سنين وهية متعرفش كانت الهبلة نفعت نفسها
يخرب بيتك يا ابو شفيق ودتنى فى داهية ربنا يخدك
22 comments:
الله يسامحك يا حسن
يعني يوم ماترجع يا ابو علي ترجع الرجعة الجامده دي
بس بصراحة لو مراته من الطراز ده يبقى ليه حق يتفعق
دا انا يا راجل اتفأعتله
هو لازم عرافة دجالة تقولها ان الطير بتاعها هيسيبها ويطير عشان تحترم نفسها وتكون انسانه معاه ؟؟؟ عجيبة جدا
نموذج موجود مش ممكن انكر .. لكن الموضوع بالتوازي بالنسة لزوجة مقهورة جدا _ مثلا يعني _ تخلص البيت وتتعب وتعرق وتاخد حمامها وتترتب وتتهندم وتجهز غدا تحفة ووكل حاجه تعملها تمام ويجي البيه ويدخل الجزمة وتتعلق برده في دراعه " والنبي يا حبيبي ، وحياتي تقلع الشوز بتاعتك هنا وهو ابدا ،، لا يمكن ،، ويكمل ويكمل اليوم بشكل قهري يفقع برده
عموما كعادتك ،، استرسال رائع وبديهة حاضرة وقوة عرض والقاء للمواقف الساخرة .. بجد وحشنا قوي اسلوبك الكوميدي ..
بجد مش بس قريت .. انا شوفت كمان وضحكت من قلبي ،، والله يسامحه بقى ابو شفيق اللي ملحقش يهنيك على _ يوة قصدي يهنيه _ على الكام يوم الدلع دول
الحمد لله انك مش هو ،، ولا هي هي
ربنا يحلي ايامكم بالهنا يا رب
تحياتي يا عريس
وان شالله دايما بخير
نورسين
الواحد بقاله كتير مقراش كتابة ساخرة حلوة كده
وأهم حاجه
واحلى حاجه
هي
بس مش أنا طبعا
في انتظار الجديد
خرب بيت عقلك يا حسن
اول مرة اشوفها دي
واحد متجوز و قاعد ينكت
ربنا يجعل كلامنا خفيف عليهم
بس بجد ضحكتني من البي
و علي العموم الحمد لله انه رزقك بواحدة تاخد بتاري منك
سلام للجميع و الف الف الف مبروك
هههههههههههه
والنعمة انت فقري
وام شفيق كمان فقرية
بجد كان وحشنى البوستات بتاعتك
بس خلي بالك المرة دية كان في ام شفيق المرة التانية ممكن يبقى ابو شفيق
ههههههههه
تحفة وجميل كعادتك
ربنا يسعد ايامك
وبالنسبة لأتحاد الكورة انا خلاص كلمتلك شوبير
وقالي هيخلى المتاشات بقى 3 مرات في اليوم وكمان هيخلي ام شفيق ترجع في كلامها
دمت بكل ود
سيد سعد
ابو على ياجامد
حمدلله على السلامه والله وحشنا كلامك الحلو اللى بيهون علينا وجع القلب
وبركه ياخويا انك خرجت من المعتقل على خير
لولولوى
باى ياحسن سلملى على العروسه
ههههههههههههههههههه
ايه الظلم ده انت بتظلم الجنس الناعم الرقيق الوديع اللي صوته زي النسمه ليه
ههههههههههههههه
بجد بجد بوست حلو اووي فضلت اضحك ضحك
علي موضوع الدخول بلجزمه اصل انا اكتر شئ بيغيظني اني جوزي يدخل بلجزمة علي السجاد هههههههههههه
تحياتي لك وفي انتظار البوست القادم
رودي
المسامح ربنا
ولا رجعة جامدة ولا حاجة دة من ذوقك بس
تحياتى لك يا نور سين
و نور صاد
ونور عين
ونور ابجدهوز كلها
مرسى يا حورس
واتمنى الا تنقطع زياراتك وكلماتك كمان ياعم
وافرح فيك لما مراتك تقلعك الجزمة برة البيت بس طبعا مش انت
تحياتى
لست انا هذا الشخص يا سيزر
يا ابنى انت عارفنى اضرب اى حد مستتخن نفسة ولا مواخذة
اتمنى انك متستتخنش نفسك لانى ايدى وجعتنى من كتر ما ضربتك
يسلم لى قلمك ومرمورك يا
يا ابو الشهاشيب
سيكو يا سيكو
يا رب كدة افرح فيك بقى والاسانسير بتاعك يعطل لما تيجى تتجوز لية بقى عشان تطلع لاتاسع على رجلك فتخش البيت تعبان طبعا فمش هتقلع الجزمة
قوم اية بقى مراتك تقوم لايشاك بالشبشب على قفاك
يجيلك قصر نظر
قول يا رب
رهف المتالقة
طبعا لازم اقولك كلام حلو عشان ميبقاش تلطيش ليكى انتى وجوزك
انتى مرة وهو مرة عشان محدش يزعل
تسلم لى كلماتك وردك الرائع
وفى انتظار الجديد لديك
بنوتة مصرية
يا ستى واللهى ناعم ورقيق وخفيف وظريف ولطيف
بس متنكريش ان فية صنف تانى منكم
وهم مستبدة متسلطة و.......الخ اللهم احفظنا
ويسلم لى مرورك ويا رب على طول
تحياتى
ههههههههههه
جميله جدا جدا
وأهم حاجه غنك مأخدها على طبعك من زمان
هههههههههه
بس طبعا هي نوعيه موجوده
وفي رجال كده برده زيها
وفي النهايه أكيد
الطيبون للطيبات
دمت بكل خير
السلام عليكم
فعلا مدونة لذيذة جدا وخفيفة الظل
وعموماربنا يقويك وعظيم جدا انة مش انت طبعا
والمرة القادمة" يوميات زوج مثالى"
خالص تمنياتى ...
بجد افتكاسة جامدة
بوست رائع ضحكتني وانا مفقوع علي الاخر بس هو بجد كل الجواز كدة
انا بدات اخاف من قرار الجواز جدا اصل مظنش اني ممكن استحمل حاجة كده
المهم اسعدك الله
العجوز
واتمني ان نتواصل دائما
أيه ده اجمد شويه ياراجل
سلوى
مرسى على التعليق ويا رب دايما
ومتحرمناش من ظهورك عندنا
قولى امين
احمد العجوز
متخافش يا ابو حميد
دة انت هترجع شباب تانى
بس مترجعش تقول محدش نصحنى
تحياتى
عفراء
خلى الزوجة المثالية للمثاليين
ويارب دايما تبقى مبسوطة بالبوست
دمت بخير
maksofa
ايدك معان يا عم واحنا نجمد ادعيلنا ربنا يزيح عننا
سخف
هههههههههههه
ربنا يكون فى العوووووووون
Post a Comment